Ўзбекистон Президенти Туркия Президенти ва унинг рафиқасига COVID-19дан тезда шифо топишини тилади

Ўзбекистон Президенти Туркия Президенти ва унинг рафиқасига COVID-19дан тезда шифо топишини тилади

Ўзбекистон Президенти Шавкат Мирзиёев Туркия Президенти Режеп Таййип Эрдоғанга мактуб йўллади.

 Бу ҳақда Президент матбуот котиби Шерзод Асадов ўзининг Телеграмдаги  расмий саҳифасида маълум қилди.

«Сиз, қадрдон инимнинг ва рафиқангиз Эмина Хоним Олияларининг коронавирус касаллигига чалинганингиз тўғрисидаги хабарни чуқур безовталик ва катта хавотир билан қабул қилдим», - дейилади давлатимиз раҳбари мактубида. 

Ўзбекистон Президенти Туркия Пезиденти ва унинг рафиқаси қисқа фурсатда вирусни муваффақиятли енгиб ўтиб, тезда шифо топишига ишонч билдирган. Унга мустаҳкам соғлиқ, куч-қувват ва янги зафарлар тилаган.

Эслатиб ўтамиз, Туркия Президенти Режеп Таййип Эрдоған коронавирусга топширган тести мусбат чиққани ҳақида ўзининг Twitterдаги саҳифасида 5 февраль куни ёзган эди. «Бугун эрталаб,  шифокоримиз бизни тўлиқ текширувдан ўтказди. Касаллик енгил кечмоқда. Ишни уйдан давом эттирамиз. Дуоларингизга муштоқмиз», — деб ёзган Туркия етакчиси.