Qator ommaviy axborot vositalarida O'zbekiston Respublikasining Ukrainadagi Elchixonasi rasmiy veb-saytiga xakerlik hujumi uyushtirilgani haqida tarqatilgan xabarlar o'z tasdig'ini topmadi.

Diplomatik vakolatxonaning elektron resursi (http://www.uzbekistan.org.ua/) hech qanday xakerlik hujumiga uchramagan va odatiy tartibda faoliyat ko'rsatmoqda. Axborot makonida tarqalgan Elchixonaning buzib kirilgan sayti skrinshoti soxta ekanligi aniqlandi.

Ommaviy axborot vositalari vakillari, jumladan xorijiy nashrlardan yolg'on ma'lumotlarni chop etmasliklarini, materiallarni ko'chirib tarqatishda ularning tog’riligiga ishonch hosil qilishingizni so'raymiz.