21-25 май кунлари Бухоро шаҳрида Халқаро зардўзлик ва заргарлик фестивали доирасидаги каштадўзлик санъати фестивали ўтказилмоқда.

Аввал хабар берилганидек, 21-25 май кунлари Бухоро шаҳрида Халқаро зардўзлик ва заргарлик фестивали доирасидаги каштадўзлик санъати фестивали ўтказилмоқда.

Фестивалда республикамиз барча ҳудудларидан 288 нафар ҳунарманд, шулардан 110 нафар заргар, 37 нафар зардўз, 44 нафар каштадўз, 97 нафар ҳунармандчиликнинг бошқа йўналишларида фаолият олиб бораётган кишилар иштирок этмоқда.

Шунингдек, 58 та давлатдан 221 нафар хорижлик иштирокчи иштирок этмоқда. Жумладан, Туркиянинг Анқара Етуклик институти ректори бошчилигидаги 5 нафар каштадўз уста ва дизайнерлар қатнашмоқда.

Бугун Олий Мажлис Сенати вакилларининг Анқара Етуклик институти ректори Илкнур Кошбийик, Туркия ҳамроҳлик ва мувофиқлаштириш агентлигининг Ўзбекистондаги ваколатхонаси раҳбари Жемалиддин Туней иштирокида учрашуви бўлиб ўтди.

Учрашувда икки давлат ўртасидаги алоқаларнинг бугунги кундаги аҳамияти ҳамда истиқболдаги ҳамкорлик масалалари ҳақида мулоқот бўлиб ўтди.

Мазкур фестивалнинг амалий натижаси сифатида Анкара Етуклик институти билан дизайнерлик йўналишида ўзаро алмашиб ўқиш ҳамда 15 кунлик тажриба алмашинуви бўйича ҳамкорлик ўрнатишга келишиб олинди.

Ушбу ҳамкорлик ёш дизайнерларимизнинг тажриба алмашиб, билим ва кўникмаларини мустаҳкамлашга хизмат қилишига ишонамиз.