O'zbekistonda IT-xizmatlarini rivojlantirish uchun imtiyozlar to'g'risida ma'lumot

O'zbekiston Respublikasi Prezidenti huzuridagi Statistika agentligi ma'lumotiga ko'ra 2022-yil yakunlariga ko'ra axborot-kommunikatsiya texnologiyalari (AKT) xizmatlarining mamlakat iqtisodiyotidagi ulushi 1,7 % ni tashkil etdi.

Tarmoqda yaratilgan yalpi qo'shilgan qiymat hajmining 66,5 foizi aloqa xizmatlari, 19,4 foizi kompyuter dasturlashtirish, maslahat berish va boshqa yordamchi xizmatlar, 7,0 % foizi ma'lumotlarni joylashtirish va ishlov berish bo'yicha xizmatlar, Web-portallar, 4,7 foizi kompyuterlar va aloqa uskunalarini ta'mirlash xizmatlari, qolgan 2,4 foizi dasturiy ta'minotni chiqarish hissasiga to'g'ri kelgan.

O'zbekiston Respublikasi qonunchiligiga muvofiq (https://lex.uz/docs/- 512233) IT-Visa 3 yillik muddatga beriladi. Bu O'zbekiston Respublikasi fuqarolari uchun belgilangan shartlarda ta'lim va tibbiy xizmatlar olish, istalgan qiymatdagi ko'chmas mulk sotib olish imkoniyatini beradi.

IT-Visa IT-Park direksiyasi tavsiyasiga asosan ariza beruvchining vaqtinchalik yashash joyidagi O'zbekiston Respublikasi ichki ishlar organlarining hududiy bo'linmalari tomonidan beriladi. Shu bilan birga, oila a'zolariga (turmush o'rtog'i, ota-onasi, bolalari) tashrif vizasi beriladi.

IT-karta - bu direksiya tomonidan xorijiy fuqarolarga beriladigan tavsiyanoma turi bo'lib, uning asosida viza rejimiga ega bo'lgan fuqarolarga IT-viza yoki faqat vizasiz rejimga ega bo'lgan fuqarolarga imtiyozlardan foydalanish uchun beriladi.

IT-Visa  va IT-kartani  olish  bo'yicha  tavsiyalarni  quyidagi  shaxslar

olishlari mumkin (https://itvisa.uz/ru):

1. Investor - axborot texnologiyalari sohasida faoliyat yuritayotgan yuridik shaxsga shartnoma asosida kamida 10 ming AQSh dollari ekvivalenti miqdorida moliyalashtirishni ta'minlovchi jismoniy shaxs yoki xonJ1y investitsiya kompaniyasining vakili;
2. IT-mutaxassis - axborot texnologiyalari sohasida malaka/mutaxassislikka ega bo'lgan, O'zbekiston Respublikasi rezidentining yuridik shaxsida IT ixtisosligi bo'yicha ishga qabul qilingan va ariza topshirish vaqtida oxirgi 12 oy uchun IT faoliyatidan  olgan  daromadi  30  000  AQSh  dollari  ekvivalentidan  kam bo' lmaganligini tasdiqlovchi mutaxassis;
3. IT Park rezidenti ta'sischisi - Texnopark rezidenti bo'lgan yuridik shaxsining ta'sischisi, belgilangan tartibda ro'yxatdan o'tgan va Yagona rezidentlar reyestriga kiritilgan jismoniy shaxs.